الثلاثاء، 30 مارس 2010

الحلقة الاولي من برنامج يوميات شري بعنوان الراجل في البيت

تابعو الحلقة الاولي من برنامج يوميات شري
عنوان الحلقة الاولي  الرجل في البيت
و ماهو المطلوب من الرجل و  ما هو دور المرأة

الكاتبة : shery nawar الوقت : 5:43 م  

2 ملاحظات:

Unknown

انا سمعت الحلقه ياشيرى وموضوع رائع بجد اللى بتتكلموا فيه بس انا بصراحه عاوزه اعض جوزك ههههههههه رئيه خاطئ مليون بالميه بخصوص وجود الاب فى البيت ..الاب هو اساس البيت لانه العقل المدبر ..الست ربنا حباها بالقلب والعاطفه والراجل العقل عشان هو اللى يوزن الامور وده راى رسولنا الكريم عليه الصلاه والسلام النساء ناقصات عقل ودين لازم يربى مع الام مش هى تربى وهو يقوم زى ماجوزك قال التربيه مشتركه والا مكنش خلف عيال عشان يرميهم لامهم وهى تربيهم ,,والست بجد بتتعب فى البيت مش عارفه ليه الانتقاص ده من حقها فى البيت وانها المفروض تفضل زى الاله شغاله ليل نهار ..انا شخصيا ماشاء الله معايا 3 اطفال وجوزى الحمد لله مشترك معايا جدا فى تربيتهم مع انه بيشتغل دوامين لكن تربيته ليهم اساسى احنا الاتنين بنربى واحنا الاتنين بنقوم
والراجل دوره فى البيت لايقل عن دور الست ابدا ومفيهاش حاجه اما يرجع من بره تعبان ويساعد برضه فى البيت اصله بيتهم هما الاتنين مش بيتها لوحدها تتعب وتنطحن وهو يقعد يتفرج
وانتى اثرتى نقطه مهمه اوى وهى لما بننزل مصر بجد بنحتاج ناخد اجازه لانى اناكمان نفس وضعك انما موصلتش انى اصحى 7 الصبح وانزل ههههههه كنت رحت بيت ابويا على طول خخخخخ الحقيقه لازم جوزك يقدر شويه الاجازه مش للهلك والشغل اللى مبيخلصش
يعنى الزوج على قد مابيتعب بره انما بيدخل من باب الشقه يفضى دماغه ويغير هدومه ويفيص ع الكنبه انما الست لاخر دقيقه قبل ماتنام وهى بتشتغل ..حتى لما بتتعب وتاخد دور برد محترم بتفضل برضه تشتغل ويطلع روحها وهو لو جاله دور برد يفضل اه يانى تعبان مش قادر عاوز كوبايه لمون عاوز معرفش ايه هههههه استعباط

ع العموم الموضوع طويل ومستنيين باقى الحلقه بس ناقشوها بذمه شويه واعط كل ذى حق حقه

31 مارس 2010 في 1:39 ص  
ام منوو

السلام عليكم ورحمة الله وبركاته

اولا ادعو الله ان يبارك لكم في الولدين

ويسعدكم وينعم عليكم بالصحة وراحةالبال

واشكركم جدا علي الموضوع ده لانه بنسمع راي الراجل وراي الست

اي حد في بداية حياته الزوجيه لازم حيوجه مش عاوزه اقول مشاكل لان في حاجات كلمة مشكله كبيره عليها وما بتكون مستهله عند طرف لو عند الزوجه(وده غالبا )الزوج بيشوفها حاجه تافهه والعكس انا شخصيا واجهت كتير لاني كنت صغيره في السن وكان تقديري للامور غلط وكان من ضمن الامور الموضوع اللي اتكلمتو عليه

بعد 16 سنة زواج لازم اكون اتعلمت من اخطائي وزوجي كمان نفس الشيء

الحياة مشاركة في كل صغيره وكبيره

وكل ما يخص الاود بينكم انتم الاتنين في السن الصغير الولد زي الببغاء بيعمل كل الحراكات ويرددكلام ابوه وامه(احسن ما يقلد حد تاني ) السن الصغير بيكون

اصعب سنوات التربيه زوجك قاك انه مدير الشركه وبيسثمرفي اولاده قبل الاسثمار وقبل بناء الشركه لازم يكون في اساس لازم تاسس ابنك في تربيته علشان تلاقي نتيجة زي ما انت تتمناه
مش حيجري جاجه لو اخدت ابنك للصلاه او وانت رايح تشتري اي حاجه ممكن في يوم اجازه تلعب معه الكره لازم تصاحبه من صغره وتتكلم معاه وتاخد وتتدي في مقوله بتقول (ان كبر ابنك خاويه)دي مقوله خطا المفروض تخاويه من صغره يعني ممكن من 4 سنوات يعني مثلا وانت راجع تقوله عملت ايه النهارده يا بطل او ماما عملت معاك ايه واذا كان صح واو غط لازم توجه ممكن تكون الام قالته غلط او صح وبس محتاك تاكيد منك في حاجات لازم الاب يعلمه لابنه

ماينفعش الابن بعيد عن ابوه سنين ويجي مره واحده يصاحبه لازم تتتشال الحواجز بينكم من البدايه والعكس لو بنات

وفي نفس الوقت الطفل بيكون محتاج لامه كمان من حب وحنان واهتمام


ده بالنسبه اللتربيه وده الاهم


بصي يا شري انت لازم تقدري تعب زوجك وتحاولي تخلصي كل اللي وراك علي ميعاد وصوله ولو تقدري تنيمي الاولاد شويه يكون احسن وتصحيهم علي الغدالانه لازم تكون قاعده انكم تكلو مع بعض يصحو يلاقو بابا هو قاعد مسنيهم يصحو استحاله يقومو من النوم علي الخناق (ممكن علي العياط )

تكوني محضره حاجه من اللي بيحبوها اويكون ابوهم اشترها وتقوليهم بابا جاب حاجه حلوه حينشغلو بيها

وللشغل

انا اشوف الراجل له شغل خارج البيت والست داخل البيت بس اللي داخل البيت وصعب علي الست الزوج من نفسه بيقوم بيه مثلا زي ما زوجك قال الانبوبه وشري المحتاجات او شيل المراتب

انا زوجي بيعمل كل ده بجانب (السلطة لو انا لسي ما عملتهاش والشاي لانه بيعملوه احلي (وديه حته زكاء




ولزوج انت بتشوف ان شغلها في البيت بسيط ده لان الراجل قوام عن الست

حتي لو بسيط مش حيجري حاجه لوكان في تقدير لوبكلمه يعني ما انت طول النهار بتتكلم مع زميلك (اعتبرها زميلك اعتقد انها حتكون احلي زميل انا طولت معليش لي عوده ان شاء الله

31 مارس 2010 في 10:14 ص  

إرسال تعليق

الاشتراك في: تعليقات الرسالة (Atom)

يوميات شري   © 2008. Template Recipes by Emporium Digital

TOP