طريقة عمل كيك البرتقال اليوميه او العاديه اللافطار

 طريقة عمل كيك البرتقال اليوميه او العاديه اللافطار 

المكونات 

4بيض

1و1/2كوب من السكر 

1كوب من عصير البرتقال 

1/2كوب من الزيت 

2و3/4كوب من الدقيق 

1م/ك من بشر البرتقال 

1م/ك من بشر الليمون 

2ملاعق صغيره (10جرام )من البيكنج بودر 

1/4ملعقه صغيره فانيلا 

طريقة عمل 

نسخن الفرن علي حرارة 180درجه تدهن الصينيه  28-30سم بالزبده وترش بالدقيق وتنفض الفائض منه 

في وعاء ننخل الدقيق مه البودر وبشر الليمون وبشر البرتقال ويقلب ويوضع جانبا 

في خلاط الطماطم او باستخدام مضرب البيض نضع البيض والسكر والفانيلا انا استخدمت مضرب البيض وخفقت لغايه لما السكر ذاب تماما نفس الطريقة او بتستخدمي خلاط الطماطم يخفق حتي السكر يذاب تماما ويتغير لون الخليط يصب الخليط في وعاء اخر ثم يضاف الي خليط البيض عصير البرتقال والزيت ويقلب باستخدام المخفقه حتي المكونات تختفي تماما ثم يضاف خليط الدقيق تدريجيا والخلط بعد كل اضافه من اضافه الدقيق حتي تنتهي كميه الدقيق والخليط يصبح ناعم وسميك بمعني يترك علامه عند رفع المخفقه ويصب في الصينيه وتدخل الفرن المسخن مسبقا لمده 40-45دقيقه او حتي الخله تخرج من منتصف الكيك نظيفه ثم تخرج من الفرن وتترك لتبرد لمده 5دقائق في الصينيه وتقلب من الصينيه وتترك لتبرد تماما ثم تقدم 

ملحوظه :

اذا كان الكيك رطبا من الداخل رغم اشقرار الوش او السطح من الخارج يغطي بقطعه من ورق الالمونيوم لاطاله مده الخبز حتي يستوي من الداخل 

طريقة عمل اسهل جاتوه شكولاته بكريمه الجبنه

طريقة عمل اسهل كيك شكولاتة بكريمة الجبنة 

المكونات 
لعمل الكيك 
1 كوب  المياه
     8ملاعق كبيرة من  الزبدة، المفروم
     4 ملاعق طعام من الكاكاو، منخول
    2 كوب (150جرام ) من الدقيق
     1 ملعقة صغيرة من بيكربونات الصودا،
     11/2 كوب من السكر الناعم حوالي (220جرام )
     2 بيضة
     1/2 كوب حوالي (60مل ) لبن
     1 ملعقة الفانيليا السائلة
   لعمل كريمة الجبنة بالشكولاتة
    31/2ملاعق كبيرة من الزبدة
     1كوب كريم الجبن
     1 كوب مسحوق السكرحوالي  (160جرام )
    1/4 كوب حوالي  (25جرام ) الكاكاومنخول 

طريقة عمل
1. سخن الفرن الى 150درجه 
2. في حلة صغيرة نضع المياة والكاكاو والزبدة علي النار منخفضه وتحرك الي ان تذوب الزبدة تماما يترك ليبرد قليلا في اثناء ذلك 

تدهن 2صواني مقاس 20سم تدهن بالزبدة وترش بالكاكاو ثم تنفض الكاكاو الفائض منه
في وعاء اخر ينخل معا الدقيق والسكر والبيكربونات هيكون الخليط برد قليلا ثم  يضاف خليط الكاكاو الي خليط الدقيق ويقلب جيدا ثم يضاف البيض والفانيليا ويقلب جيدا ثم اللبن ويقلب الي ان يختلط المكونات جيدا (هيكون العجين سايل)  (خلي بالكم ان الكيك مش بنفش بمعني ان نفس كمية الكيك هطحطية في الصينية بعد ما يستوي هيكون نفس المقاس )علشان كدا هيكون صعب تضعية في صينية واحدة وتقسمية من النصف بالسكين ثم تقسم العجين بالتساوي علي2من الصواني خبز ل 40-45 دقيقة أو حتى يخرج السيخ نظيف من وسط الكيك وتترك لتبرد في الصينية لمدة 5دقائق ثم تقلب وتترك لتبرد تماما علي رف السلك
3. في وقت  الكعكة تبرد نعمل الكريمة  في وعاء يخفق الزبدة والجبنة ويخفق بمضرب البيض لمدة 6الي 8دقائق او الي ان تصبح هشة وفاتحة ثم يضاف مسحوق السكر والكاكاو ويخفق لمدة 6-8دقائق الي الي ان يصبح هشة كريمي
 لعمل التزيين 
4- في طبق كبير يوضع ورق الخبز ثم اول شريحة من الكيك ثم نضع عليها الكريمة وتفرد ثم ثاني شريحة ونضع عليها الكريمة وتفرد ويمكن رشها يسكر بودرة او شرائح فاكهه وتقطع وتقدم 

ساندوتشات الدجاج علي طريقة المقاهي الكوريه

 ساندوتشات الدجاج علي طريقة المقاهي الكوريه 

المكونات الساندوتش :الكميه تعمل 4ساندوتشات 

خس كابوتشه او متوفر او ممكن استعمال الخس العادي 

شرائح طماطم 

جبنه شيدر للساندوتشات (النوع اللي مش بيذوب )

قطع استربس الدجاج مقلي حار وده اختياري الرابط في صندوق الوصف اسفل الفيديو او ممكن اي استربس بطريقه اللي تحبيها 

كرنب المخلل :

100 جرام ملفوف او كرنب بنفسجي  (4 م/ك خل ، 2 م/ك سكر ، 1/2 م/ص ملح)

انا استعملت نوعين من الصلصه صلصه علي الدجاج وصلصه علي الخبز 

صلصة علي الخبز (2 م/ك خردل حبوب كاملة - 4 م/ك مايونيز)

صوص علي دجاج ستربس (3 م/ك مايونيز ، 6 م/ك خردل بالعسل ، 2 م/ك بصل مفروم ، 2 م/ك مخلل خيار مسكر مفروم ، قليل من الفلفل الاسود )

طريقه عمل 

علي صينيه مفروشه بمناشف ورقيه نضع الطماطم وترش الطماطم بالملح والفلفل الاسود ثم تغطي بطبقه واحده من مناشف الورقيه وتوضع جانبا لحين الاستعمال 

لعمل مخلل الكرنب  السريع يقطع اكرنب الي شرائح  في طبق نضع الخل والسكر والملح ويوضع في الميكرويف لمده 1دقيقه او يمكن وضع الخليط حتي الخليط يكون سخن قيلا والسكر يذوب ثم نضع الكرنب ويقلب ويوضع جانبا لمده 30دقيقه 

لعمل صلصه التي توضع علي الخبز :في وعاء نضع المايونيز وحبوب الخردل الكامله ويقلب ويوضع جانبا 

لعمل الصلصه التي توضع علي الفراخ :مايونيز وخردل بالعسل وبصل مفروم ومخلل الخيار المسكر مفروم ناعم وقليل من الفلفل الاسود ويقلب معا جيدا 

لعمل الساندوتش :نسخن الدجاج في الميكرويف يمكن تحميص الخبز التوست حسب الرغبه 

نفرد قطعه من ورق الخبز ونضع شريحتان من خبز التوست الابيض ونضع عليهما صلصه المايونيز مه حبوب الخردل ونفرد علي التوست نضع شريحه من جبنه الشيدر الدجاج الكميه حسب الرغبه ثم صلصه التي توضع علي الدجاج ونعصر الكرنب المخلل جيدا 

وشريحتان من الطماطم والخس ونضع شريحه التوست علييهم ونضغط برفق ثم نلف ورقه الخبز جيدا مع شدها باحكام وغلقها ونلف قطعه اخري من الورقه البلاستيك عليها وكدا الساندوتش اصبح جاهز يقطع من المنتصف بالسكين ويقدم 

طريقة عمل صينيه البطاطس بالفراخ والطماطم في الفرن

طريقة عمل صينيه البطاطس بالفراخ في الفرن 

المكونات 

1دجاج صغير في السن حتي لا تاخذ وقت في السواء مغسوله جيدا و مقطعه 

1كيلو من البطاطس مقطعه شرائح 

2 كوب طماطم او نصف كيلو من الطماطم  معصورة 

1 بصله متوسطه الحجم مقطعه شرائح

3-4ملعقه توم مفروم

1م/ك معجون طماطم (لو الطماطم مش حمراء )

3ملاعق كبيره من السمن او الزيت 

فلفل اخضر حار او بارد (اختياري )

توابل ( ملح فلفل  توابل الشوربه توابل اللحم وهسبلكم رابط الوصفه التوابل اسفل الفديدو  

طريقة عمل 

نسخن الفرن علي حرارة 190درجه ننشف الدجاج بمناديل مطبخ او يمكن ان توضع في المصفاه 

نقطع البطاطس اليشرائح وتنقع في الماء البارد لحين الاستعمال 

في مقلاه كبيره وعميقه ودي هدخلها الفرن نضع السمن علي نار متوسطه ثم الدجاج وترش بالملح والفلفل الاسود  وتشوح مع التقليب حتي تحمر من جميع الجهات ثم ترفع من النارحتي تاخذ اللون الذهبي من جميع الجهات ثم تفرفع المقلاه من النار وترفع الدجاج او  يمكن وضع باقي المكونات عليها نضع عصير الطماطم والبصل والثوم والفلفل الاخضر المفروم والماء او الشوربه والتوابل وتقلب  ثم ترص البطاطس ثم الدجاج وتدخل الفرن حتي البطاطس والدجاج تستوي ثم نولع الشوايه حتي نحمر الوش ثم ترفع من الفرن وتقدم ساخنه 

طريقة عمل الارز المصري بالشعرية خطوة خطوة

 طريقة عمل الارز المصري بالشعرية خطوة خطوة

المقادير:

2 كوب رز مصرى

2 كوب وربع او 2كوب ونصف من الشوربه او ماء ساخن كميه بتختلف حسب نوع الارز 

1 ملعقة كبيرة سمن / زيت

ملح

5 ملاعق شعرية

الطريقة التحضير :

نحمر الشعيرية في السمن على النار حتى يصبح لونها بنى فاتح

نغسل الارز ونصفيه جيدا ثم نضعه على الشعيريةونقلب الي ان يصبح غير ملتصق ببعضة

نضيف الماء اوالشوربة  والملح ويقلب حتي تختلط معا 

نتركه لحد ما يغلى  والارز يتشرب الشوربه قليلا ثم نهدى عليه النار ونتركه من 10 / 15 دقيقة ثم يرفع من النار ويوضع في اطباق التقديم 

ملحوظه في الفيديو انا حطيت كبشه شوربه والباقي ماء ساخن ممكن تحطي نصف شوربه زنصف ماء او كله شوربه او كله ماء علشان مش عايزه الارز يكون لونه غامق من الشوربه علشان الشوربه بتكون فيها توابل كتير فممكن تغمق الارز 

طريقة عمل قرص الفلاحي الساده بالحليب والقشطه

 طريقة عمل قرص الفلاحي الساده بالحليب والقشطه 

المكونات 

نصف كيلو من الدقيق 250جرام حليب دافيء 1ملعقه كبيره خميره فوريه 150جرام زبده مذابه 1/3كوب من السكر 1/2كوب من القشطه نصف ملعقه صغيره بيكنج بودر طريقة عمل

في وعاء نضع الحليب والسكر ويقلب حتي السكر يذوب تماما ثم نضع الخميره ونقلب البودر ونضع القشطه والدقيق وتعجن باليد حتي تتكون عجين ناعمه لا تلتصق باليد وطريه تترك لتخمر 1ساعه او ممكن تسبيها حوالي 10دقائق وتشتغلي بيها بعد ما ترتاح العجين تقطع الي قطع بحجم اليوسفي ثم توضع علي صينيه وتغطي

ثم تترك لترتاح لمده 5دقائق بعد 5دقائق ناخذ اول كره وتفرد باليد علي الصينيه حتي تكون رفيعه قليلا ونستمر في فرد الكرات في الصينيه حتي تنتهي الكميه تماما حسب وتترك لتخمر جدا من 30دقيقه او 1ساعه علي حسب الجو ثم نسخن الفرن علي حرارة 180-190درجه وتدخل الفرن حتي تاخذ اللون الذهبي من كلا الجانبين تترك بره في درجه حراره الغرفه لمده يومين في الجو البارد و1يوم في الجو الحار وفي الثلاجه لمده تصل الي 5ايام الي اسبوع وايضا يمكن الاحتفاظ بها في الفريزر داخل كيس مغلق باحكام ملحوظه انا خمرتها 5دقائق لان المطبخ عندي حر بس في الجو البارد اما تدخليها الفرن الدافيء لمده 10دقائق او سبيها بره لمده 1ساعه لو عملتيها في الصيف او في الشتاء بسبها ترتاح بعد العجن لمده 5الي 10دقائق بعد التشكيل وقبل دخولها الفرن تترك لتخمر قبل دخولها الفرن في الصيف1ساعه اوفي الشتاء لمده 1ونصف الي 2ساعه

طريقة عمل المكرونه المحمره بالطماطم

 طريقة عمل المكرونه المحمره بالطماطم 

المكونات

هي وصفة مشهورة جدا في مصر خاصة في الصعيد يمكن بعض المناطق لايفضلون سلق المكرونة

هذة الوجبة اهداء لكل عروسة او زوجة جديدة في المطبخ وانتظروا باقي الوصفات بالشرح والخطوات المصورة ولو انتي مش فاضية وتعبانة وعيزة تعملي اكل بسرعة لابنك او ابنتك فهي وجبة مثالية واسال مجرب

المقادير 2

كوب ونصف من  مكرونة اي نوع  حسب الرغبة

شوربة او ماء انا بعملها بالماء

كوب من طماطم ونصف مضروبه في الخلاط الطماطم

يمكن استخدام معجون طماطم

لكن الطازجة افضل بكتير

ملح وفلفل اسود

5م ك زيت او سمن حسب الرغبة او الاثنين معا

طريقة التحضير

1- يسخن الزيت و السمن في حلة نضيف المكرونة ونقلب ذي طريقة اللسان عصفور لحد ما تصبح ذهبية اللون

2- نضيف الطماطم ونقلب ونضيف الفلفل الاسود وبعدين نضيف الماء حتي تغطي المكرونة وكلما زادت الشوربة بتبقي احلي نضيف الملح

نتركها لغاية ما تتشرب وبعدين نهدي النار 10الي15دقيقة وتبقي جاهزة

تقدم مع الكبدة والمشاوي وغيرها

يوميات شري طريقة عمل حلا السويسروال بالبسكويت والشكولاته سهل وبسيط

 طريقة عمل حلا السويسروال بالبسكويت والشكولاته سهل وبسيط

المكونات 

2علبه بسكويت الشاي حوالي (90جرام)

1علبه حليب مكثف 

1/2كوب زبده في درجه حرارة الغرفه 

1/2كوب من كريمه البندق بالشكولاته او الجناش 

طريقة عمل 

نقوم بطحن البسكويت حتي يكون ناعم جدا ثم يوضع في وعاء عميق نضع الحليب المكثف والزبده ويقلب حتي البسكويت يتشرب الحليب والزبده تماما وتصبح عجينه متماسكه 

ثم تفرد علي ورق خبز او ورق الالمونيوم مدهون بالزيت حتي لا تلتصق وتكون سهله في اللف ثم تفرد علي ورقه باستعمل اليدي او لملعقه حتي تفرد تماما علي شكل مستطيل بسمك حوالي 1/2سم ونساوي الاطراف ثم تدهن بطبقه رفيعه او خفيفه من الشكولاته ولو الدنيا حر عندك اوي والبسكويت طري جدا يوضع في الثلاجه لمده 10دقائق حتي يتماسك قليلا ثم يخرج من الثلاجه ويلف علي شكل سويسروال واما يوضع في الثلاجه لحين التقديم وعند التقديم يقطع الي شرائح او يقطع بمجرد لفها ويقدم 

طريقة عمل سمك فيليه مقلي بسيط جدا

طريقة عمل سمك فيليه مقلي بسيط جدا 

المكونات 
كيلو من سمك فيليه ويقطع الي مربعات 
1/3كوب من عصير الليمون 
1/4ملعقه صغيره من الكمون 
5من الثوم المهروس 
ورق لوري +عود من الروز ماري (اختياري )
ملح فلفل اسود 
دقيق وزيت للقلي 
للتزين ورق بقدونس مفروم خشن 
انصاف ليمون
طريقة عمل 
في طبق نضع عصير الليمون والتوابل والسمك وتقلب ثم تترك لمده نصف ساعه 
بعد النضصف ساعه في مقلاه نضع الزيت علي نار متوسطه في طبق اخر نضه الدقيق والملح والفلفل الاسود والكمون وتقلب معا نضع السمك ويقلب في الدقيق حتي الدقيق يغطي السمك تماما ثم توضع ف الزيت السخن حتي ياخذ للون الذهبي ثم يثلب علي الجهه الاخري ويرفع من النار علي مناشف ورقيه مع الاستمرار في قلي باقي السمك حتي تنتهي الكميه ثم يرص في طبق مفروش باورق البقدونس ونضع السمك وانصاف الليمون ويقدم سخن او بارد 

طريقة عمل صلصه الدقوس الفلفل الاخضر الحاره (للمندي -وابرياني -الكبسه -والمجبوس الكويتي - الطعميه)

طريقة عمل صلصه الدقوس الفلفل الاخضر الحاره (للمندي -وابرياني -الكبسه -والمجبوس الكويتي - الطعميه المصري او الشامي )

المكونات 

100 جرام فلفل أخضر حار

1 فص ثوم

1 بصلة صغيرة

1 ملعقة صغيرة (5 مل) ملح

نصف ملعقة صغيرة (1.25 مل) فلفل أسود مطحون

1 ليمون (معصور)

نصف كوب (59 مل) خل أبيض

1 كوب (237 مل) كزبرة

طريقه عمل 

في خلاط الطماطم او باستخدام الهراسه نضع كل المكونات معا وتخفق حتي تصبح ناعمه جدا ثم تصب في طبق التقديم وتقدم 

طريقة عمل عجه بالطعميه

 طريقة عمل عجه بالطعميه 

المكونات 

4-5ملاعق كبيره من عجينه الطعميه 

1بيضه كبيره

يمكن وضع ملح وفلفل اسود كمون وشطه وده اختياري

زيت غزير للقلي 

في طبق عميق قليلا نضع البيض ويضرب قليلا ثم نضع الطعميه ونقلب برفق يدوب تفك (انا مش عايزها تختلط تماما ) في مقلاه نضع الزيت ثم نضع الخليط في الزيت برفق (مثل الفيديو )وتترك حتي تاخذ اللون الذهبي ثم تقلب حتي تاخذ اللون الذهبي وترفع علي مناشف ورقيه وتقدم مع الطماطم والمخلل والسلطه الخضراء