طريقة عمل الملوخية علي الطريقة المصرية بالصور

طريقة عمل الملوخية علي الطريقة المصرية 

المكونات 
1حزمة من الملوخية او (100جرام ملوخية ورق )
شوربة دجاج او لحمة او بط او ماء مع مكعب مرق 
1م/ك زبدة او سمن او دهن
3فصوص ثوم 
1/2م/ص كزبرة ناشفة سليمة 
1/2م/ص مسحوق  كمون 
ملح حسب الرغبة 
طريقة عمل 
تقطف الملوخية وتغسل ثم  تنشف جيدا 

تفرم الملوخية  بالمخرطة اليدوي (انا بحب اعملها بالمخرطة و بحط فيها فص ثم عند تخريط الملوخية للنكهه )ويمكن استخدام او الكبة لتصبح ناعمةثم توضع في علبة وتغطي او كيس علشان متنشفش توضع جانبا ثم يفرم الثوم انا بحب اطحنة بالهون علشان عصارة الثوم تخرج والطعم احلي يطحن الثوم مع الكزبرة 

في وعاء متوسط علي النار توضع حوالي 21/2كوب من الشوربة وتترك لتغلي ثم توضع الملوخية علي الشوربة وتقلب وتترك لتغلي (فقط غلوتين ) وتغلق النار 
في مقلاة علي حرارة متوسطة توضع الزبدة تو السمن او الدهن ثم خليط الثوم وعندما يبدا في تغيير لونة نضع الكمون ثم توضع علي الملوخية وتغطي لثواني ثم يرفع الغطاء ونصب القليل من الملوخية في المقلاة اللي كنا بنحمر فيها الثوم ثم نصبها تاني في حله الملوخية ونضع فيها ملح لو احتاجت 

وتقدم مع الارز بالشعيرية 

بالهناء والشفاء