طريقة عمل الفطير المشلتت

 طريقة عمل الفطير المشلتت 

المكونات (تعمل الكميه فطيره كبيره وواحده صغيره )

1كيلو من الدقيق 

500جرام من الماء الدافيء في الصيف والساخن في الشتاء 

200جرام من الزبده في درجه حرارة الغرفه 

80-85جرام زيت 

1/2ملعقة صغيره من الملح 
طريقة عمل 
في وعاء نضع الدقيق والملح اوويقلب معا ويقلب معا جيدا ثم نقوم بعمل حفره ونضع الماء ويعجن حتي تتكون عجينه طريه و(يجب ان تكون العجينه طريه حتي لا تتمزق عند فردها )ثم نضعها علي سطح العمل ونقوم بعجنها جيدا من 8الي 10 دقائق وكل ما تتعجن اكثر تكون افضل ثم تشكل علي هيئه كره ونضعها في وعاء مدهون بالزيت وتدهن

لو في وعاء المكسر نضع الدقيق والملح والماء حتي تتكون عجين وتترك لتعجن لمده 8دقائق ثم تشكل كره ونضع في وعاء وتغطي بالزيت وتغطي بورق من البلاستيك نايلون وتترك لترتاح لمده 20 دقيقه اذا كان الجو دافيء ولو الجو ساقع تترك لترتاح لمده نصف ساعه 
في اثناء ذلك في وعاء نضع الزبده وتقلب جيدا اما باليد او بمخفقه حتي يصلح شكلها مثل الكريمه ثم نضع عليها الزيت ونقلب معا حتي تختلط جيدا وتترك علي الجنب لحين الاستعمال 
بعد ما ترتاح العجين نقطعها علي هيئه كره صغيره بحجم كره عين الجمل وممكن اكبر قليلا وتقطع الي حوالي 22كره لو كنتي عايزها كبيره و18كره لو انتي عايزها متوسطه الكرات الصغيره 57-60جرام ثم نقطع كره كبيره بحجم البرتقاله البلدي حجمها حوالي 180-185جرام وتدهن بالزيت حتي لا يجف وجهه وتغطي بورق نايلون وتترك لترتاح حوالي 20دقيقه  اذا كان الجو دافيء ولو الجو بارد تترك لنصف ساعه  بعد ان ترتاح نبد

تدهن صينيه بكميه من خليط الزبده والزيت ثم تفرد الكره الكبيره اللي هيه هكون الوش وتفرد حتي تغطي الصينيه تماما مع الحرص علدم تمزيقها او ان تكون رقيقه جدا ثم توضع جنبك 

نفرد الكرات الصغير ويفضل ان تفرد علي سطح العمل او علي الصينيه تدهن بالقليل جدا من خليط الزبده ثم نفرد اول كره وتدهن بخليط الزبده وترفع
وتقلب في الصينيه فوق الوش في منتصف الوش اللي مفرود في الصينيه  بحيث يكون الوش المدهون من تحت او الي الاسفل وهكذا الي ان تنتهي الكميه الكرات الصغيره كلها او العدد اللي عملناه للفطيره الواحده 
وتغلق علي شكل ظرف ثم تقلب في الصينيه المدهونه بحيث يكون مكان غلق من الاسفل وتتدهن بكميه من خليط الزبده والزيت  وتترك لترتاح لمده 20الي 25دقيق لو كان الجو دافيء وفي الشتاء حوالي نصف ساعه او اكتر علشان تتفرد معاكي علي طول تريحيها اكتر هتتفرد معاكي بسهوله في اثناء ما بترتاح الفطير نسخن الفرن علي حرارة 220او اقصي درجه 
بعد ان ترتاح ثم نقوم بدهن اليد خفيف بالزبده ونقوم بالضغط الخفيف من المنتصف مع الضغط حتي نفرد الفطير في الصينيه دون تمزيق الوجهه حتي تتفرد في الصينيه كلها وتتدهن بكميه من خليط الزبده تاني قبل دخولها الفرن وتدخل الفرن حتي تاخذ اللون الذهبي من الاسفل ثم نفتح الشوايه الي ان يحمر الوجه ثم تخرج من الفرن وتترك في الصينيه الي ان تبرد تماما وتغطي بكيس حتي تكون طريه 
ملحوظه :
اذا كان الجو بارد تكون المياه ساخنه قليلا نزود الميه بحيث تكون طريه جدا جدا تلتصق باليد وتترك لترتاح وقت اكثر 
نضع الزيت علي الزبده لان زيت يخفف من كثافه الزبده 
يستعمل زبده مملحه وتكون نسبه المياه قليله فيها 

لو بتستعملي زبده الصفراء يفضل وضع علي الوش الفطيره بعد الفرد كريمه او قيمر علشان تحمروتاخذ اللون الذهبي الجميل 

لو بتستعملي في الحشو الزبده الصفراء يفضل تخلطيها بزبده بلدي للطعم 

عند اغلاق الفطيره لا تشدي اوي علشان العجين متقطعش معاكي 

الفطير بيتعمل بالزبده وليس السمن