طريقة عمل كبده كمونيه

طريقة عمل كبده كمونيه

المكونات
750جرام كبده بتلو او ضان قطع متوسطه بحجم الكباب علشان متنشفش عند تسويتها 
150جرام من البصل المفروم ناعم
100جرام من السمن
10فصوص من الثوم المفروم كبشتين من صلصه الطماطم
1ملعقه كبيره من مسحوق الكمون+فلفل اسود خفيف والملح ورقةلاورو
طريقة عمل 
تغسل وتنقع الكبده بماء بارد لمده 10دقائق ثم توضع في المصفاه علشان عند التحمير الدم هيتماسك في الكبده 
في مقلاه نضع السمن علي حرارة متوسطه ثم نضع البصل وتقلب حتي تصبح نصف سواء ثم نضع الثوم وتقلب ونضع الكبده المصفاه وتقلب معا ثم تغطي وتترك علي النار مع التحريك بين الحين والاخر حتي الكبده تنشف من الميه والسمنه تظهر ونضع الكمون المطحون وتقلب وصلصه الطماطم والملح والفلفل الاسود وورقه الاورو وتغطي وتترك علي نار هادئه حتي الطماطم تتسبك ويصبح الخليط سميك قليلا ثم يغرف في طبق غويط ويقدم في الحال 

طريقة عمل يخني كمونيه باللحم

طريقة عمل يخني كمونيه باللحم 

المكونات 
2كيلو من مكعبات لحم ضان ويقطع بحجم البيضه ممكن استعمال اللحم البتلو 
1/4كوب سمن
1بصل كبيره مفروم ناعم 
3فصوص ثوم مفرومه ناعم 
1ملعقه صغيره من لدقيق 
2كبشه من صلصه الطماطم 
2كبشه من الماء 
ملح -فلفل اسود و1ملعقه صغيره كمون 
طريقة عمل 
في حله نضع كميه من السمن ونضع كميه من اللحم وتشوح اللحم مع السمن حتي تاخذ اللون الذهبي ثك نرفع وتوضع طبق اخر ونستمر في تشويح اللحم حتي تنتهي كميه اللحم ترفع الحله من النار ونضع البصل مع الثوم ويقلب حتي يهدا قليلا ثم يوضع علي حرارة متوسطه يصفر لونه ثم يقلب معا الدقيق حتي يختلط ثم يضاف اللحم ويقلب لمده 5دقائق ثم يضاف اليه الصلصه الطماطم ويقلب معا لمده 5دقائق ثم يضاف اليه  الماء وقليل من الملح والفلفل الاسود ويغطي ويترك حتي حراره متوسطه حتي تصبح اللحم نصف تسويه ثم يضاف الكمون ويضبط الملح ويغطي ويترك علي نار هادئه حتي اللحم يستوي تماما ويغرف في طبق متوسط العمق ويزين بالبقدونس ويقدم 

طريقة عمل بيض مدحرج في السمنه

طريقة عمل بيض مدحرج في السمنه

المكونات
بيض سليم (العدد حسب الرغبه )
سمنه
ملح فلفل اسود كمون مطحون
طريقة عمل
لسلق البيض :في حله نضع ماء علي حرارة متوسطه حتي تغلي ثم باستخدام الملعقه نضع البيض بحرص علشان مكسرش منك
ثم تترك علي النار لمده 10دقائق ثم ترفع والبيض يغسل تحت الماء البارد حتي يبرد تماما ثم يقشر ويوضع في طبق نظيف
لعمل البيض المدحرج :
في مقلاع علي حرارة متوسطه نضع السمن حتس تذوب وتسخن ثم البيض ويترك حتي ياخذ اللون الذهبي ثم نبدا في تحريك البيض في السمن او دحرجه البيض في السمن  بين كل حين واخر ياخذ اللون الذهبي من جميع الجهات ثم يتبل بالملح والفلفل الاسود والكمون ويرفع ويوضع في طبق عميق قليلا ممكن يقدم في نفس المقلاه ثم عند التقديم يهرس ويقلب باستخدام الشوكه ويوكل في الحال 

طاجن العكاوي بالبطاطس في الفرن

طاجن العكاوي بالبطاطس في الفرن
المكونات

عكاوى مقطعه
بطاطس مقطعه مكعبات
2 كوب طماطم معصورة ومصفاة
2 بصله مقطعه مكعبات
3-4ملعقه توم مفروم
1م/ك معجون طماطم (لو الطماطم مش حمراء )
3ملاعق كبيره من السمن او الزيت 
فلفل اخضر حار او بارد (اختياري )
توابل ( ملح فلفل ورق لورا حبهان مستكه وكمون توابل لحم وجنزبيل 
طريقة عمل 
نسخن الفرن علي حرارة 190درجه ولو العكاوي فيها دهون كتير شيليها منها لو انتي عايزه ونعسلها كويس ونسبها لغايه لما تنشف من الميه او ننشفها بمناديل مطبخ 
نقطع البطاطس الي مكعبات وتنقع في الماء البارد لحين الاستعمال 
في مقلاه كبيره وعميقه ودي هدخلها الفرن نضع السمن علي نار متوسطه ثم العكاوي وتشوح مع التقليب حتي تحمر من جميع الجهات ثم ترفع من النار ونضع البصل والثوم ويقلب مع العكاوي حتي البصل يذبل قليلا ممكن نعملها بطريقتين 
الطريقة الاولي (او العكاوي صغيرهفي العمر ومش هتاخد وقت بتلو )
بعد ان نشوح العكاوي ونضع البصل والثوم نضع عصير الطماطم وتقلب معا ومعجون الطماطم والتوابل والملح ممكن تنقل خليط العكاوي الي صينيه الفرن والفلفل الاسود ونزودها بالماء او الشوربه ونضع البطاطس المكعبات وشرائح الفلفل الاخضر وتدخل الفرن او توضع علي النار مره اخري او انتي عايزها تاخذ غلوه او تستوي 3/4سوي وبعد كدا تدخل الفرن حتي تستوي تماما 
طريقة الثانيه (لو العكاوي ممكن تاخذ سوي )
بعد ان نشوح العكاوي نضع مقدار الشوربه وتترك العكاوي علي النار حتي تستوي توضع في صينيه الفرن ونضع البصل والثوم وعصير الطماطم البطاطس والفلفل الاخضر وتوضع في الفرن حتي البطاطس تستوي تماما وتقدم مع الارز بالشعريه او الارز المفلفل او اي نوع من انواع الارز ممكن الارز المعمر الحادق او المالح 

طريقه عمل بطاطس مشويه في الفرن بالثوم والروز ماري

طريقه عمل بطاطس مشويه في الفرن بالثوم والروز ماري 

المكونات 
كيلو من البطاطس صغيره مقطعه الي نصفين 
راس من الثوم السليم دون تقشير 
4ملاعق كبيره من الروزماري الطازج 
خل ملعقه كبيره (اختياري )
زيت زيتون 
ملح فلفل اسود 
طريقة عمل 
في حله نضع البطاطس ونضع الماء  حتي الماء يغطي البطاطس ونضع كميه من الملح في ماء السلق وتوضع علي النار متوسطه الحرارة لمده 12دقيقه 
ترفع من النار وتوضع في مصفاه حتي تنشف من الماء تماما يسخن الفرن علي حرارة 180درجه في اثناء ذلك نحضر صينيه ونضع كميه من الزيت والخل والثوم والروز ماري ونضع البطاطس وتقلب جيدا حتي تتغطا تماما ثم ترش بالملح والفلفل الاسود وتقلب وتوضع في الفرن لمده 1ساعه مع تقليب البطاطس في منتصف الوقت ثم تورفع من الفرن وتقدم مع المشاوي وصلصه المايونيز او صلصه الزبادي والخيار ولو حابه يكون الصوص حاد يكون صلصه الحاره بالطماطم وتقدم ساخنه او دافئه