طريقة عمل العريكة

طريقة عمل العريكة 

 
العجينة ..

مقدار من دقيق البُرّ + ماء كافي للعجن + رشة ملح إذا ما كان الطحين مملوح ..



نعجنها مع بعض حتى تتكون عجينة سائلة (قوامها شبيه بخليط الكيك ) 

 

طريقة عمل 

نتركها ترتاح لمدة 10 دقائق ثم نضعها في صينيّة الفرن 

 

نتركها تنضج ونتابعها حتى لا تحترق أو تزيد مدة وجودها في الفرن وتصير قاسية ..
وفي هالأثناء نحضِّر العدّة والعتاد للعمل ..

والأشياء اللي بنحتاجها لعملية العرك & فعل مأخوذ من العريكة


كيس .. لازم يكون نظيف + ويحتمل الحرار ( أنا أستخدم أكياس الشوي حقت الفرن ) وكمان كيس ثاني خارجي ..

منشفة نظيفة وخاصّة بالعمل علشان ما تحترق يدك من حرارة الخبز ..

سمن بلدي .. أو رضيفة زبدة >> إذا صار عندي وقت عملت الرضيفة ونزلتها لكم إن شاء الله ..
وأنا هنا استخدمت سمن بلدي

نروح للفرن ونطلع الخبزة وبسرعها نحطها في الكيس 

 
نحط عليها قطعة سمنه علشان وإحنا نعركها ما تلتصق في الكيس 

ندخل هالكيس في كيس ثاني حتى مانتضرر من الحرارة أو ينقطع الكيس ويخرج اللي بداخله

نستخدم المنشفة كعازل حراري ونبدأ التعامل معا بكل شراسة وبسرعة حتى ما تبرد وتصير بالشكل المطلوب .. 

بعد ما لعبنا معها وصارت هيِّنة ليِّنه ..
نطلعهامن الكيس ونحطها في صحن التقيم ونرتب شكلها ونعمل فيها حفرة في الوسط لنضع فيها ..

( السمن + العسل ) أو ( السمن + دبس التمر < أو ما نسميه " الرُبّ " )

ونضع التمر على الأطراف ..

بالسمن .. 

 

بالسمن والرُبّ .. 

مصدر