الأربعاء، 23 يونيو، 2010

طريقة عمل كفتة الحاتى.... للشيف الشربينى بالشرح والصور



 كفتة الحاتى.... للشيف الشربينى بالشرح والصور


المقادير :



الطريقة :



- اللحمة كندوز من الرقبة أو من الموزة ولو ضانى تبقى من الزند علشان بيبقى فيها عرق



- كفتة الحاتى ما بتاخدش غير تفل بصل وملح وفلفل وبهارات وبس


- - نجيب البصل المبشور الناعم ونحط عليه شوية ملح وخل ونعصره بأيدينا جامد جدا في طبق بحيث ينزل الماء منه


- نضع تفل البصل على اللحمة المفرومة مع الملح والفلفل والبهارات ونخلطها معا وندخلها الثلاجة لايقل عن 3 او 4 ساعات


- ماء البصل نضع عليه حبة طماطم مبشورة وشوية ملح وشوية فلفل وشوية زيت زيتون ومعلقة سكر ونقلبهم


- نبل ايـدينا من خليط مــاء البصــل بالطماطم ونصبع الكفتة بأيدينا( نلفها في ايدينا مقاس واحد )


- بعد ما نصبع الكمية كلها نجيب سيخ ونبل ايدينا ونبل السيخ وايدينا مبلولة بماء البصل وندخل السيخ في صابع الكفتة ( نفوته فيها علشان يفرغ الهوا منها ) ونلفها بايدينا المبلولة على السيخ وهكذا باقي الاصابع



- على الشواية اوفي صينية تيفال ساخنة على النار نضع مادة دهنية بسيطة ( قليل من الزيت ) وننزع اصابع الكفتة من السيخ مفرغة ونضعها في الصينية أو بالسيخ على الشواية ونقلبها حتى تستوي وندخلها الفرن تأخذ لون ونطلعها .


- ممكن نطلع عدد من اصابع الكفتة من الفرن ونجيب عيش مكسيكي ونسخنه ونلف فيه صابعين من الكفتة ونضعه في صينية وندخله الفرن



- تقدم كفتة الحاتي مع ارز بالخلطة


















مصدر

0 ملاحظات:

يوميات شري   © 2008. Template Recipes by Emporium Digital

TOP