طريقة عمل عجينه السمبوسه الرقاق بالمنزل

طريقة عمل عجينه السمبوسه الرقاق بالمنزل 

ممكن تكون الطريقه غريبه . وصعبه شوي ، لكن تطبيقها مو ذيك الصعوبه .

المقادير :



كوبين طحين أبيض ( استخدمت الدقيق السعودي)

كوب ماء

ربع كوب سمن كريمي نباتي مهدرج مذاب ( شورتنينق) .

قليل من الملح .

. السمن ضروري نفس النوع ماينفع تستخدمين زيت او سمن عادي ، لانه مايخلي العجينه تشرب زيت وايضا يخليها هشه .

للمعلوميه الكميه اللي استخدمتها اكثر بكثير من المقدار اللي ذكرته يعني ضاعفي المقدار حسب الكميه اللي تبين .

الطريقه :

نضع المقادير في العجانه ونعجنها سوى لين تنعم . وتذكري لما تضيفين السمن لازم يكون مذاب بس مو حار .


وهذي شكل العجين بعد ماخلصت

لاحظي طريه لكن ماتلصق باليد  

.

نشكل العجينه اقراص ( بحجم البيضه الصغيره ) ونغطيها بنايلون عشان ماتنشف 

 .

خليها ترتاح شوي عشان يسهل فردها .
نبدأ الفرد :
خذي اربع حبات . وغطيهم بالدقيق  

.

إفرديهم شي بسيط  

.

أدهني وجه كل حبه بسمن مهدرج مخلوط مع زيت ( لنفرض ربع الكميه سمن والباقي زيت ، او نصف مقابل نصف ) 

رشيهم دقيق  

.

نبدأ نرصهم فوق بعض .

اقلبي حبه فوق حبه .

يعني الوجه المدهون مقابل الوجه المدهون . مثل الصوره

لاحظوا شلون ، الحين ادهني وجه الحبه بالزيت ورشيها دقيق  

.

وارجعي رصي حبه فوقها بنفس الشكل  

.

ايضا ادهني ورشي الوجه ( الحبه اللي قلبناها  

)

الحين كملي رص

وآخر شي رشيه دقيق فقط عشان نفرد العجيه

نفرد مع مراعاة تطابق الطبقات

نسخن الطاوه ( المقلى ) والافضل لو تكون مصنوعه من التيفيليك . وراعي تكون النار هاديه عالآخير لانا نبيها تنضج من غير ماتحمر .
طبعا تنضجينها شبه نضج من غير اي اضافات يعني لاتحطين زيت ولا دقيق ولا شيي . 

بتلاحظين ظهور فقاعات بهالشكل . كل ماكان فردك جيد بتنفخ مع الرقائق اكثر

طبعا هي تنفخ أكثر من كذا بس ماأمداني اصوره تصير مثل الرغيف العربي أول مايطلع من الفرن منفوخه ، وكل مانفخت كل ماسهلتلك العمليه بعدين .

وأبدا لاتخلينها تحمر او تنشف لازم تظل فاتحه كأنها نيه .

نشيلها من على الطاوه .

وهي حاره قطعيها بهالشكل وشيلي الزوائد  

.

نفكك كل قطعه حبه حبه ، هم اربع حبات فوق بعض . فككيكها قبل لاتبرد ، لان لو بردت تفكيكها يكاد يكون مستحيل

اول ماتفكين الرقائق غطيها بكيس عشان ماتنشف  

.

غلفيهم زين واحتفظيهم بالفريزر لحين الاستخدام

بالنسبه لتطبيق السمبوسه . حضري الحشوه اللي تبين ، بس بشرحلكم طريقتي في تطبيقها .

حطي الحشوه

  .

لفيها بهالشكل وحاولي تبرمين زواياها صح عشان مايدخل الزيت للحشوه 

خلي الطرف

 . لحين اغمسي الطرف في ماء ساخن . وكملي لف السمبوسه . هذي اسهل طريقه للصق اطراف السمبوسه

وتقلى

طريقه اخرى لفرد السمبوسه :

نفس العجينه ، بس تختلف طريقة الفرد .

افردها بجهاز فرد اللازانيا .

بهالشكل  

.وتقطع 

وتحشى

نغلقها بهالشكل  

.

وتقلى

مصدر