الأربعاء، 11 أبريل، 2012

طريقة عمل ورق عنب سهل وبسيط والخطوات والطريقة بصور

طريقة عمل ورق العنب


 المكونات
(دي كمية صغيرة ممكن تزودي او تنقصي حسب الرغبة ) 
ورق عنب 
1كوب ارز منقوع ومصفي
3/2كوب طماطم متسبكة
1ملعقة كبيرة معجون طماطم
1/4كوب من كزبرة و1/4البقدونس و1/4الشبت المفروم
1/2كوب من بصل المفروم 
2ملعقة طعام من السمن او الزبدة +2ملعقة طعام زيت
توابل المحشي ( كمون -كزبرة -فلفل اسود-ملح)انا مش بحب اكتر في التوابل علشان مفيش حاجة تغير من طعمة ودة طبعا رجع لكل واحدة والذوق والطعم اللي هية بتحبة
شوربة دجاج -لحم -بط اللي موجود عندك
شرائح بطاطس 
طريقة عمل
بعد ان تتسبك الطماطم كويس يوضع عليها معجون الطماطم ولو كان عندك طماطم متسبكة حاهزة حطي معجون الطماطم وتوضع علي النار متوسطة ثم يوضع الارز المصفي ويقلب تقليبة علي النارالي ان ينشف مع عدم تركة علي النار علشان مش يلزق في قاع الحلة  ثم يرفع من النار
 ثم ضيفي البصل المفروم والخضرة والسمن والزيت وقلبي كويس حتي يندمج الخليط والطماطم مع الارزثم الملح والتوابل
انا مش بسلق ورق العنب انا بغسلة كويس وبعدين بحطة في الفريز وبليل اطلعة يفك التجميد ويصبح طري من غير سلق وبكدة بيكون اخضر  وطعم المزازة فية روعة طبعا في ناس بتحب تضع ليمون ان مش بحب كل واحد وذوقة
بحضر الحلة وبرص فيها شرائح البطاطس ولو عندك شرائح لحم حطيها فوق البطاطس نية بعد ان تتبليها بالملح والفلفل وتحطي فوقها طماطم لو حبة وورق العنب ترصية في الحلة (انا هنزل صورة خارجية لطريقة اللف اصل معرفتش اصور وانا بلف كنت لوحدي  بعتذر ) ثم نضع صحن فوق ورق العنب يكون بيتحمل الحراره نغمزه بالماء ونضع أى ثقل فوق الصحن ثم نضع الشوربة الساخنة يعني يدوب يغطي ورق العنب بشوبة ممكن نضع نصف ماء ونصف شوربة بس اهم حاجة الشوربة مش تكون ملحها زايد انا حطين الملح في الارز وتترك لتغلي حوالي 10دقائق ثم نهدي النار عليها مثل تسوية الارز ثم ترص في طبق وتقدم  
يعني من الاخر كلة ني في ني ما عدا الطماطم ودي طريقة حلوة علشان ما تتعبش المعدة 











اتمنا ان يكون الشرح وافي وبالهناء والشفاء

0 ملاحظات:

يوميات شري   © 2008. Template Recipes by Emporium Digital

TOP