الجمعة، 14 أكتوبر، 2011

طريقة عمل أحلى تزيين لتورتات بالخطوات التفصيلية



دي طريقة وخطوات تزين كيك وليس طريقة عمل الكيكة نفسها
تورتة نصف الجناش ونصف الفواكه

دى تورتة اعتمدت فى تزيينها على 3 أِشياء

عجينة الفوندان

جناش الشيكولاته

فواكهه


الطريقة


أولاً بتعملى الكيكة بالطريقه اللى تناسبك سواء أسفنجية او جاهزة أو عادية
ده متروك لراحتك وأختيارك

ثانياً نبدأ فى تجهيز الحاجات اللى حنستخدمها للتزيين

(عجينة الفوندان)

بصراحه أنا اشترتها جاهزة وكان لونها أبيض وضعت عليها ملون غذائى بلون أصفر غامق
وفردتها على سكر بودره وقطعتها بقطاعه على شكل دائره وعملت منها ورده
بالشكل ده



وقطعت كمان دوائر صغيرة كده
  
وعملت أوراق شجر بالشيكولاته وفكرتها سهله بنسيح شيكولاته خام على حمام مائى
ونجيب أوراق شجر نغسلها كويس وندهنها شيكولاته بواسطه الفرشاه هكذا


ونتركها فترة تجمد فى الفريزر وبعدين نشيل ورق الشجر برفق حنلاقى الشيكولاته خدت نفس الشكل أن شاء الله

(الجناش)

نجهز الجناش وطريقته سهله جدا
ومكتوبه فى الملف وهى عباره عن

كوب كريمه خفق ( كريمة لبانى )
قالب شيكولاته (200 جرام)
نسخن الكريمه عالنار ولما تغلى نطفئ ونضيف الشيكولاته ونقلب لحد الشيكولاته ما تدوب ونتركها تبرد تماما لصبها عالكيكه

وأخر شئ الفاكهه وطبعا قطعناها قبل التزيين وجهزناها
كل ده تركناه على جنب ونيجى بقى لمرحله تركيب الكيكه

انا عملت كيكه حجم كبير وقسمتها 3 طبقات وبطنت الصينيه ببلاستيك ووضعت طبقه من الكيك
وطبقه من الكريمه المخفوقه مسبقاً

وبعد ما خلصتها قفلتها بالبلاستيك وتركتها 3 ساعات فى التلاجه


خرجت الكيكه وقلبتها وسويت الكريمه وغلفت وجهها وعملت علامة بالشكل ده على سطح الكيكه بطرف السكين


ونضع بلاستيك على نصف الكيكة قبل صب الجناش البارد هكذا

ونتركها ربع ساعه تتصفى ويتوزع الجناش عالنصف وبعدها ننزع البلاستيك برفق


نتركها ساعه فى التلاجه او ممكن ليله كامله وبعدين نزينها

والصور شارحه مراحل التزيين بالترتيب

هنا الوردة ثبتها بخله اسنان ووضعتها بهذا الشكل

 
وضعت حواليها اوراق الشجر وزينت بالدوائر هكذا

وقفلت جوانب الجزء الأبيض من التورته هكذا






ووضعت فى أخر زاويه قطعه أناناس كامله هكذا


م
ودى كانت أول تورتة وعاوزة أقول لكم شويه ملحوظات او بمعنى أدق أخطاء
أنا وقعت فيها
أولا
لو الجو حر فى مطبخك يبقى الأفضل تبدأى بتزين الفواكهه قبل الورد وورق الشجر
يعنى نخلى الورده والورق أخر مرحله فى التزيين

ثانياً أنا حاولت ألمع الفاكهه بجلاتين فقط لكن مكنش عندى
فاستخدمت جيلى أناناس فطبعا ظهر لونه أصفر عالكريمه ومكنش ظريف ده من وجهه نظرى
وبكدة ننتقل لتانى تورته

تورتة القلب الاحمر  
 
التورتة دى عزيزة على قلبى جدا وطريقتها بسيطه وجميله وسهله ومش بتاخد وقت زى مانتوا شايفين

 
محتاجين للتورته دى

جناش أحمر

ورود وشريط للتزيين

طبعاً بنجهز الكيك على شكل قلب


نجهز الجناش
زى الطريقه السابقه لكن باستخدام شيكولاته بيضاء وبعدين نضيف ملون غذائى أحمر

ونتركة يبرد قبل الصب

نضع كريمه ونضيف اى شئ للحشو ممكن قطع شيكولاته
ممكن فواكهه
او ممكن نتركها سادة


نضع الجزء التانى من الكيكه ونغلفها جيداً بالكريمة وبعدين نصب الجناش الأحمر


نتركها فتره تتصفى وبعدها نضعها تجمد فى التلاجه


وبعد عده ساعات نطلع الكيكه ونزينها

هنا لفيت الشريط


ووضعت الورود هكذا


ممكن تخليها كده وممكن تمشى عالحواف بكريمه بيضاء زى انا ما عملتها
بس لأسف نسيت أصور الخطوة دى وعلشان أعرف أوصل لكم شرحى
عملت خطوط بيضاء بالفوتوشوب عالصورة علشان تتخيلوا شكلها وهى بالكريمه
وكانت تقريبا بنفس الشكل ده


أخطائى ان الجناش كان خفيف شوية


0 ملاحظات:

يوميات شري   © 2008. Template Recipes by Emporium Digital

TOP