الخميس، 3 يناير، 2013

طريقه عمل خبز او عيش البكاكين


طريقه عمل خبز او عيش البكاكين 



المكونات


ده عيش معروف في الارياف اسمه بكاكين طعمه حلو جدا جدا انا خبزته انهارده في فرن بوتجازي و نقلت لكم الطريقه بالخطوات و الصور يا رب تفيدكم و تعملوه و يعجبكم و الصور كلها من مطبخي

المقادير : كيلو دقيق - تلات ارباع لتر لبن رايب للعجن ( ممكن العجن بالزبادي او اللبن بس الرايب هوه اللي بيدي احلي نتيجه )- كوب سمن- 2 معلقه كبيره خميره فوريه - نص معلقه سكر - رشه ملح

الطريقه عمل

نعجن المكونات مع بعضها للحصول على عجينه طريه زي اللي في الصوره و نتركها ترتاح نص ساعه 


نقسم العجين الى كور صغيره بحجم البيضه و نفردها بالنشابه و نضع كل رغيف على منديل ورق و نرصهم فوق بعض و نسيبهم يرتاحو نص ساعه كمان


نولع الفرن انا فرني الشوايه و الفرن بيشتغلو مع بعض لكن ممكن تعملو نص او تلات تربع مده الشغل على نار الفرن العاديه و اخر المده تولعو الشوايه
اهم خطوه اللي حتخلي العيش منفوش من النص انكم تمسكو العيش بالمنديل و تقلبوه على صينيه الخبز يعني القعر اللي على المنديل هوه اللي يكون بيبص لفوق في الفرن كمان ما تمسكوش العيش بايديكم كله بالمنديل الورق و تشيلو المنديل اول ما تحطوه على الصينيه في الفرن




تدخلوه الفرن و مش بياخد دقايق بيستوي بسرعه فا خليكم متابعينه ممكن 3 او اربع دقايق بالكتير



خلصوه و تحطوه جوه قماشه و تقفلو عليه علشان يطري و بعدين تحطوه في الفريزر و تاخدو منه زي ما تحبو و بالهنا و الشفا و صدقونى ولادكم حيحبوه جدا 


مصدر 

0 ملاحظات:

يوميات شري   © 2008. Template Recipes by Emporium Digital

TOP