السبت، 2 يونيو 2012

طريقة عمل صينية سمك بلاميطة بالثوم والطماطم والليمون

صينية سمك بلاميطة بالثوم والطماطم والليمون



سمك البلاميطة هو اسمه كده فى اسكندرية وحقيقى معرفش له مسمى اخر فى باقى مناطق مصر

هو متوفر دائما فى الاسواق زى البلطى كده وسعره زي البلطي تقريبا


وعلشان نعرفه ده شكله ويتميز ان لحمه متماسك واشواكه قليلة بصراحة طعمه حلو

وممكن نعمله باي طريقة سواء مشوي او مقلي او سنجاري او صواني بالبطاطس

انا عملته صينية بس من غير بطاطس حسب الرغبة

اول حاجة حنقوم بتنظيفة وقطع الذيل والراس ونغسله كويس اوي


 
ودة شكله بعد ما فتحته ونظفت بطنه 




ثم نجهز التتبيلة بتاعته ثوم مفروم وملح وكمون وليمون وفلفل مقطع وطماطم مقطعة وزيت


ونضع كمية بسيطة منها في الصينية




ثم نحشي السمك بالثوم والكمون والملح من الداخل




نرصه في الصينية ونضع التتبيلة عليه وشرائح الليمون وزيت على الوجه ويدخل الفرن لمدة ساعة تقريبا


ودة شكله بعد ما خرج من الفرن




مصدر

0 ملاحظات:

يوميات شري   © 2008. Template Recipes by Emporium Digital

TOP