الجمعة، 18 فبراير 2011

طريقة عمل بيتزا كراست كرانشى

بيتزا كراست كرانشى 


فردت العجينة اكبر شوية من الصينية اللى هاخبزها فيها 



وبعدين حطيت الصينية على العجينة .. والزيادات قطعتها شرائط بالشكل ده


وبعدين الجزء الأصعب فى الموضوع ... انى أنقل العجينة بعد التقطيع للصينية ..



بس الحمد لله نجحت ولفيتها على النشابة وحطيتها فى الصينيةجبت جبنة شيدر وقطعتها مكعبات وحطيت على كل شريط مكعب جبنة


ولفيتها رول وبعدين وقفتها بزاوية على حافة الصينية 
 

لغاية ما انتهيت من كل الشرايط .. بقت بالشكل ده



بعد كدة دهنتها بالزيت .. الشرايط بس .. وحضرت كورن فليكس وكسرته بإيدى ..

 
وبعدين حطيته على الشرايط اللى لفيتها بالجبنة .. والزيت ساعد ان الكورن فليكس يمسك فيها 

ودهنت البيتزا بصلصة البيتزا


عملتها على السريع (ملعقة زيت وكوب عصير طماطم وفصين ثوم مفروم وملح وفلفل وسبتها على النار لغاية ما تتسبك)


وحطيت عليها فلفل اخضر مقطع وزيتون وبس 

واخيرا الجبنة الموتزريلا
 
ودخلتها الفرن حوالى 30 دقيقة او لغاية ما تستوى والجبنة تذوب
ودى النتيجة

مش عايزة اقولكم كانت حلوة ازاى والشرايط المحشية جبنة كانت فطاير صغيرة جميلة ومقرمشة



مصدر

0 ملاحظات:

يوميات شري   © 2008. Template Recipes by Emporium Digital

TOP