طريقه عمل العرق البقرى او اللحوم البارده على طريقتى
طريقه عمل العرق البقرى او اللحوم البارده على طريقتى
اتى يا ستى عرق من السوبر ماركت هو بيكون فى السوبر ماركت ملفوف بالحبل جاهز
وطبعا الحجم اللى انتى عايزه
واغسليه بالمويه كويس من بره وبعد كده غرزى اللحمه بالسكين كام واحده فى القطعه
كلها وهاتى يا ستى شويه ملح وفلفل اسود وكمون وبهارات حاره او عاديه وكزبره
مطحونه وثوم واى بهارات تانيه انتى تفضلهاوحطتى البهارات دى كلها على اللحمه
وسيبى اللحمه شويه لحد ما تتتبل وفى الوقت ده قطعى الخضروات وهى كرفس وفلفل
الوان وفلفل حاره وطماطم بس مش كتير وبصل طبعا الكميه اللى انتى عايزها
وبعدين تجبى مقلاه غير لاصقه وتحطى شويه زيت فيها وتشوحها قطعه اللحمه على النار
من كل الجوانب زى الصوره
وبعدين تحطى الخضروات فى الحله وعليها 2كوب ماء ومكعب مرقه دجاج
وتحطى اللحمه وتحطى الحله على النار وتسبى اللحمه على النار لحد ما تستوى
وعلى فكره كل شويه هتحتاج لمويه وكل شويه اضافى 1 او2كوب ماء حسب الحاجه
وبعد كده اختبرى اللحمه بالسكين اذا السكين خرجت نظيفه او اللحمه مانزلتش دم او مويه
يعنى كده استوت
وده الشكل بعد ما استوت
وبعد كده تحطى اللحمه فى الثلاجه لتبرد
وبعد ما تبرد هاتى اللحمه وبسكين حاميه قطعى اللحمه الى شرائح رفيعه
وحطى الخضروات فى طبق التقديم للديكور وعليه اللحمه
وده الشكل النهائى
اتى يا ستى عرق من السوبر ماركت هو بيكون فى السوبر ماركت ملفوف بالحبل جاهز
وطبعا الحجم اللى انتى عايزه
واغسليه بالمويه كويس من بره وبعد كده غرزى اللحمه بالسكين كام واحده فى القطعه
كلها وهاتى يا ستى شويه ملح وفلفل اسود وكمون وبهارات حاره او عاديه وكزبره
مطحونه وثوم واى بهارات تانيه انتى تفضلهاوحطتى البهارات دى كلها على اللحمه
وسيبى اللحمه شويه لحد ما تتتبل وفى الوقت ده قطعى الخضروات وهى كرفس وفلفل
الوان وفلفل حاره وطماطم بس مش كتير وبصل طبعا الكميه اللى انتى عايزها
وبعدين تجبى مقلاه غير لاصقه وتحطى شويه زيت فيها وتشوحها قطعه اللحمه على النار
من كل الجوانب زى الصوره
وبعدين تحطى الخضروات فى الحله وعليها 2كوب ماء ومكعب مرقه دجاج
وتحطى اللحمه وتحطى الحله على النار وتسبى اللحمه على النار لحد ما تستوى
وعلى فكره كل شويه هتحتاج لمويه وكل شويه اضافى 1 او2كوب ماء حسب الحاجه
وبعد كده اختبرى اللحمه بالسكين اذا السكين خرجت نظيفه او اللحمه مانزلتش دم او مويه
يعنى كده استوت
وده الشكل بعد ما استوت
وبعد كده تحطى اللحمه فى الثلاجه لتبرد
وبعد ما تبرد هاتى اللحمه وبسكين حاميه قطعى اللحمه الى شرائح رفيعه
وحطى الخضروات فى طبق التقديم للديكور وعليه اللحمه
وده الشكل النهائى
1 ملاحظات:
كل سنة وانتي طيبة ومش عارفة اشكرك ازاي بس فين الاكلات من يوم الجمعة للشيف يسري لغايت النهاردة ولا ده استسني بس علشان العيد
وبشكرك للمرة التانية علشان انا مش بفتح النت الا علشان الموقع ده
إرسال تعليق