الأحد، 21 مارس 2010

طريقة عمل العجينة الاساسية للازانيا والكانيلونى

طريقة عمل العجينة الاساسية للازانيا والكانيلونى والتورتيلينى والرافيولى والترياتلى و البابرتلى


العجينة الاساسية
كيلو دقيق – 10 ج ملح – 8 – 9 بيضات – 4 ملى زيت زيتون او
3
بيضات – ½ كيلو دقيقملح
الطريقة
نضع فى طبق الدقيق والملح ونضع بيضة ونقلب وبعدين نضع بيضة ونقلب وهكذا لحد مايخلص
البيض وتتكون العجينة ونتركها ترتاح نص ساعه ثم نضعها فى الماكينة المخصوص مثل اللى فى الصورة او نفردها بالنشابة ونبدء نضع الماكينة مثلا على رقم 10 ثم 9 ثم 8 وهكذا لحد مانرققها حسب الطلب وبعدين نستخدم العجينة ونقطعها حسب الرغبة








الرافيولى

عجينة لازانيا سبق واتشرحت – 300 ج جبنة ريكوتا او قريش – 10 ج زعتر مفروم – 50 ج بصل –سبانخ سوتية الطريقة
نخلط الجبنة بالزعتر بالسبانخ
نفرد العجينة ونقطعها دوائر بالقطاعه ونضع نص معلقة صغيرة من الحشو ونقفلها زى القطايف
وندوس على اطرافها بالشوكة








التورتلينى
عجينة لازانيا سبق واتشرحت – لحمة بيفى بالخضار
الطريقة
نقطع اللحمة قطع صغيرة جدا ونشوحها فى الزيت مع كل المقادير بدون ماء هى حتنزل مايتها وتستوى فيها ثم نضع كل الخليط فى الخلاط او الكبة ونضربه كويس قوى ونحشى بيها
نفرد العجينة ونقطعها دوائر بالقطاعه ونضع نص معلقة صغيرة من الحشو ونقفلها زى القطايف
وبعدين نجيب الطرفين ونلفهم حوالين صباعنا ونلزقهم مع بعض






ترياتلى

عجينة لازانيا سبق واتشرحت
الطريقة نضع العجينة فى الماكينة المخصوص مع وضع الوش النخصوص وحتكون شرايط مثل الاسباجتى

ببارتلى
عجينة لازانيا سبق واتشرحت
الطريقة نضع العجينة فى الماكينة المخصوص مع وضع الوش النخصوص وحتكون شرايط مثل الاسباجتى بس اتخن من الاسباكتى واتخن من الترياتلى

ملحوظه
طريقة الاحتفاظ بالعجينة
بعد عمل العجينة وتقطيعها ممكن استخدامها مباشرة عادى بالسلق فى ماء وملح وشوية زيت
او لحفظها بعد تقطيعها بنضعها فى الهواء لتانى يوم لحد ماتنشف وتبقى زى اللى بنشتريها وبعدين تضعيها فى اكياس نايلون او نضعها فى صينية كبيرة مستطيلة ونغطيها مثلا بقطعه قماشة
الكانلونى
عجينة لازانيا سبق واتشرحت - بشاميل
الحشو
لحمة بيف - بصلة – جزرة – 1 كرات – 1 كرفس –ملح وفلفل
الطلريقة
نقطع اللحمة قطع صغيرة جدا ونشوحها فى الزيت مع كل المقادير بدون ماء هى حتنزل مايتها وتستوى فيها ثم نضع كل الخليط فى الخلاط او الكبة ونضربه كويس قوى ونحشى بيها
نقطع العجينة مستطيلات ونضع على طلرف كل مستطيل معلقة كبيرة من الخليط ونلفها ونضعها فى صينية ونرصص جنبها باقى الكانيلونى ونضع بشاميل على الوش ونرش جبنة وندخله الفرن






اللازانيا بالخضار
عجينة لازانيا سبق واتشرحت الحشو
بصلة – جزرة – 1 كرات – 1 كرفس – 1 كوسة – 200ج بسلة
250
ج فاصوليا – زعتر – ملح وفلفل – زيت زيتون – جبنة بارميزان جوزة الطيب – بشاميل الطريقة نقطع العجينة مستطيلات مثل اللازانيا ونسلقها عادى فى ماء وملح وزيت ثم نشيلها فورا من الماء المغلى الى ماء بارد او فيه مكعبات ثلج
نجهز القالب نضع راقة لازانيا ثم طبقة خضار ثم بشاميل ثم نضع راقة لازانيا ثم طبقة خضار ثم بشاميل
وهكذا على ان تكون اخر طبقة بشاميل ونرش الجبنة وندخلها الفرن لحد ما الجبنة تسيح
طريقة عمل الحشو
نضع فى المقلاية الزيت ثم البصل المفروم ثم الجزر المقطع صغير ثم البسلة ثم الكرات ثم الكرفس ثم الفاصوليا كله يتشوح كويس قوى ونضع ملح وفلفل





مصدر

0 ملاحظات:

يوميات شري   © 2008. Template Recipes by Emporium Digital

TOP