الخميس، 19 فبراير، 2009

الفطير المصري على أصوله (المشلتت-المحشى-عجينه الرقاق)بالخطوات المصورة

الفطير المصري على أصوله (المشلتت-المحشى-عجينه الرقاق)بالخطوات المصورة

المقادير
كيلو طحين ننقص منه نصف كوب ونتركه جانبا لان ممكن العجينة تحتاج على حسب نوع الطحين
كوب ونصف ماء دافئ وممكن نحتاج اكتر ربع كوب مثلا لو العجينة احتاجت
ملح

طريقة التحضير
عجينه الفطير عجينه سهله جدا أهم شيء فى هذه العجينة هو طريقه عجنها او بمعنى أخر مده العجن فهي تحتاج حوالى ربع ساعه بالعجان او 45 دقيقه باليد ماتستغربوش فعلا تحتاج هذا الوقت وسر نجاحها هو عجنها جيداالاول كنت بعجنها بيدي قبل ما اشترى ألعجانه وكانت بتطلع ممتازة
نضع الدقيق والماء والملح فى ألعجانه ونبدأ العجن


بعد مرور عشر دقائق مثلا نحاول نشد العجينة حنلاقيها بتتقطع مننا وده معناه أنها لسه موصلتش للشكل المطلوب


وبعد ربع ساعه شوفي شكلها شوفوا بتتشد ازاى من غير ما تتقطع لازم تبقى ملساء وتشد زى اللبانة (ألعلكه )


ودي صوره كمان شوفوا أهم حاجه أنها توصل لكده لأنها لو كانت لسه مرمله حتتقطع مننا فى الفرد ودي ملحوظه مهمه التزموا بيها



وهنا قطعت العجين الجزء اللي حعملوا فطير مشلتت بضع كور العجينة فى طبق به زيت واللي حعمله رقاق يوضع فى طبق مرشوش بدقيق وده الاختلاف بينهم


نترك العجين يرتاح فتره حوالى ربع ساعه قبل الفرد ونغطيه بقطعه قماش نظيفة



هنا العجين جاهز للفرد نبدأ نعمله
الفطير المشلتت
نحتاج لزبده او سمن للحشو
بداية نضع زيت على الرخام اللي حنفرد عليها ونفرد العجين بالنشابه ماشاء الله شوفوا متقطعتش لأنها مفرودة تمام الحمد لله نفرد العجينة وتكون رقيقه جدا ونضع عليها زبده ونوزعها عالعجينه كما بالصورة




نطبق العجينة ونضعها جانبا ونفرد قطعه أخرى ونضع ألزبده وبعدين نضع القطعة اللي طبقناها قبل كده




ونطبقهم على بعض هكذا ونتركهم جانبا




ونفرد قطعه أخرى وأيضا نضع الزبد والعجينة المطبقة ونفردها بأيدنا هكذا حتى تأخذ شكل الدائرة


بعد ذلك نطبقها للمرة الاخيره وشوفوا شكلها أخذت شكل الدائرة


ونضعها فى صينيه فى الفرن حوالى عشر دقائق فى الفرن الأوسط على حرارة 200 وبعدين نخرجها ونفتح الشوايه من فوق حتى يحمر الوجه
ملحوظة مهمه الفطير بينشف لسببين اما ان نكون مفردنهاش كويس لأنها لازم تكون رقيقه اوى
ثانيا لو تركناه مده كبيره فى الفرن
وهنا شكلها بعد ماخرجت من الفرن ماشاء الله

وطبعا الفطير حلاوته انه يتاكل مع العسل النحل



او ألجبنه البيضاء أو القشطه



ملحوظه
لو عاوزين الفطير يقرمش يبقى بعد خروجه من الفرن نتركه بدون تغطيه ولو عاوزينه طرى نغطيه بورق قصدير وهو سخن

نستكمل باقي الفطير
طبعا بنفس العجينة نعمل بيها الفطير المحشى وانا كنت نزلته قبل كده بس حنزل لكم الصور تانى يأرب يعجبكم
مقادير ألحشوه
وده اختياري إنا استخدمت لحمه مفرومه معصجه وللوجه استخدمت جبن رومي مبشور-زيتون-فلفل-طماطم-بيض




بعد ذلك نفردها بالنشابه ويكون السطح مدهون بزيت ونحاول على قد ما نقدر نجعلها رقيقه




نضيف ألحشوه ونبدأ بطيها


وبعد ذلك ننقلها فى صينيه وندخلها فرن حامى حوالى سبع دقائق لكل وجه
وبعدين نخرجها ونضع عليها بيضه وفلفل اخضر وطماطم وزيتون وجبنه مبشوره هكذا




ونفتح عليها الشوايه من فوق حوالي خمس دقائق فقط وانتبهى إلا تحترق
وبعد ماتبرد قطعيها ورصيها فى طبق التقديم

ودي حشيتها مربى وقشطه ومكسرات وزينتها بالسكر البودره



الرقاق المصري
خدوا بالكم وانتبهوا يا اخواتى
الفطير فردناه على زيت صح
لكن الرقاق يفرد على رخامه بها دقيق ويفضل يكون دقيق قمح بيعطيه طبقه جيريه جميله اوى





طبعا وإحنا بتفرد حنلاقى صعوبة شويه في الفرد وحجم الرقاق اختياري إنا عملته صغير نضعه فى صاجه الفرن مفروشة بورق زبده ونضعه عالرف الاول الملاصق للنار على حرارة 200 خمس دقائق فقط حتلاقيه احمر شيليه من الفرن وهوه طرى وافرديه فى صينيه وحينشف بسرعه



هنا شكله بعد خروجه من الفرن





نحضر صينيه وندهنها زبده ونحضر شوربة سخنه ياسلام لو شوربة بط تجنن ونسقى ورقه الرقاق بالشوربة ولازم تكون سخنه هكذا

نكرر العمليه مع ثلاث ورقات رقاق مثلا وبعدها نضيف لحمه مفرومه معصجه




ونكرر العمليه السابقه واخر طبقه من الرقاق نضع عليها زبده
وندخلها الفرن ربع ساعه تتحمر من تحت وبعدين نحمرها من فوق

وده شكل الرقاق



شوفوا جميل ازاى






























منقول من منتدي لك

0 ملاحظات:

يوميات شري   © 2008. Template Recipes by Emporium Digital

TOP